ហេតុអ្វីយើងនៅទីនេះ

កង្វះទឹកស្អាតនិងអនាម័យ គឺជាបញ្ហាប្រឈមដ៏សំខាន់មួយដែលប្រជាជនកម្ពុជានៅតាមតំបន់ជនបទប្រឈមមុខ។ ក្នុងរដូវប្រាំង 35% នៃក្រុមគ្រួសារតាមជនបទ ប្រើប្រាស់ទឹកផឹកបានមកពីប្រភពមិនល្អ ខណៈដែល 75% ទៀត ប្រើប្រាស់ទឹកផឹកដែលមានប្រភពនៅក្នុងបរិវេណជុំវិញរបស់ពួកគេ។ ទឹកទាំងនោះវាធ្វើឱ្យពួកគេឈឺ និងធ្វើឱ្យពួកគេឡើងកន្ទួលលើស្បែក ដោយសារបាក់តេរី ប៉ារ៉ាស៊ីត និងសមាសធាតុកសិកម្មនៅក្នុងទឹក។ គ្រួសារទាំងនេះក៏ជារឿយៗខ្វះចំណេះដឹងអំពីគោលការណ៍ជាមូលដ្ឋាននៃអនាម័យផ្ទាល់ខ្លួន និងអនាម័យទូទៅ ព្រមទាំងការអនុវត្តសុវត្ថិភាពចំណីរអាហារ និងកន្លែងស្តុកទឹកប្រកបដោយសុវត្ថិភាព។

អានបន្ថែម

គោលដៅរបស់យើង

សហគមន៍ក្នុងតំបន់គោលដៅរបស់អង្គការស្អាតកម្ពុជា ដឹកនាំការរស់នៅប្រកបដោយសុខភាពល្អតាមរយៈការបង្កើនលទ្ធភាពទទួលបានទឹកស្អាត ការអនុវត្តអនាម័យទូទៅ អនាម័យខ្លួនប្រាណ និងសុខភាពកាន់តែល្អប្រសើរឡើង ហើយកំពុងរស់នៅក្នុងបរិស្ថានស្អាតល្អ។

អានបន្ថែម

កម្មវិធីរបស់យើង

វាជាការរួមបញ្ចូលនូវធាតុសំខាន់ៗចំនួនប្រាំដែលដឹកនាំការអភិវឌ្ឍន៍ ការអនុវត្ត និងការបន្តធ្វើឱ្យប្រសើរឡើងនៅទូទាំងផ្នែកទាំងអស់នៃការងារ។ ទាំងនេះគឺជា:

ធ្វើការដោយផ្ទាល់ជាមួយគ្រួសារ សហគមន៍ និងស្ថាប័ន។
ផ្តល់ជូននូវផលិតផល និងសេវាកម្មប្រកបដោយគុណភាព តម្លៃសមរម្យ និងប្រកបដោយភាពច្នៃប្រឌិត។
ការផ្ទេរសមត្ថភាពទៅគ្រួសារ សហគមន៍ និងស្ថាប័ន។
ការសម្របសម្រួលជាមួយស្ថាប័នរដ្ឋាភិបាល និងអាជ្ញាធរមូលដ្ឋាន ដើម្បីនិរន្តរភាព និង
កិច្ចសហប្រតិបត្តិការជាមួយអង្គការដៃគូ។

អានបន្ថែម

ភាពផ្លែករបស់យើង

យើងរៀបចំនៅក្នុងស្រុក

អង្គការស្អាតកម្ពុជាជាអង្គការក្រៅរដ្ឋាភិបាលដែលបានចុះបញ្ជីនិងគ្រប់គ្រងដោយប្រជាជនកម្ពុជា។ យើងប្តេជ្ញាធ្វើការផ្លាស់ប្តូរប្រកបដោយនិរន្តរភាពនៅក្នុងប្រទេសរបស់យើងដែលនឹងផ្តល់ផលប្រយោជន៍ដល់មនុស្សជំនាន់ក្រោយ។

អំពីយើង

យើងយកធនធានក្នុងស្រុក

សម្ភារនិងកម្លាំងពលកម្មសម្រាប់ប្រើប្រាស់ក្នុងគម្រោងបានមកពីធនធានក្នុងស្រុកនិងប្រជាជនដែលរស់នៅក្នុងតំបន់នោះ។ របៀបផ្សំចម្រោះទឹកជីវៈខ្សាច់របស់យើងត្រូវបានជីកយករ៉ែថ្មពីខេត្តកំពង់ស្ពឺនៅក្រៅក្រុងភ្នំពេញ។

Why BioSand