ជាផ្នែកមួយនៃចក្ខុវិស័យនិងបេសកកម្ម អង្គការស្អាតកម្ពុជាមានគោលបំណងលើកកម្ពស់សុខភាពសហគមន៍គោលដៅរបស់ខ្លួន តាមរយៈការផ្លាស់ប្តូរគុណភាពទឹក ការកែលម្អអនាម័យទូទៅ និងអនាម័យផ្ទាល់ខ្លួន។ គេត្រូវបានទទួលស្គាល់ថា កង្វះអាហារូបត្ថម្ភនៅតែបន្តជាបញ្ហាសុខភាពធ្ងន់ធ្ងរនៅក្នុងសាលាបឋមសិក្សាដៃគូ នៅតំបន់ដាច់ស្រយាលនៃប្រទេសកម្ពុជា។ កង្វះអាហារូបត្ថម្ភបណ្តាលឱ្យមានអត្រាចូលរៀនទាប ព្រោះគ្រួសារមួយចំនួនសម្រេចចិត្តមិនចុះឈ្មោះកូនរបស់ពួកគេឱ្យចូលរៀនដោយសារតែភាពមមាញឹករបស់ពួកគេដើម្បីធ្វើការរកអាហារ។

គោលដៅរបស់យើងគឺផ្តល់ឱកាសដល់កុមារថ្នាក់បឋមសិក្សាទទួលបានអាហារបំប៉ននៅសាលារៀន សិស្សទទួលបានចំណេះដឹងអំពីសុខភាព និងអាហារូបត្ថម្ភ ទឹកស្អាត អនាម័យ ដែលនឹងនាំទៅដល់ការលើកកម្ពស់សុខភាព ការចូលរៀន និងការចុះឈ្មោះចូលរៀន។