ដំណឹងជ្រើសរើសបុគ្គលិក

អង្គការស្អាតកម្ពុជាគឺជាអង្គការគ្រិស្ទបរិស័ទក្នុងស្រុកមួយដែលធ្វើការលើវិស័យអភិវឌ្ឍន៍នៅក្នុងសហគមន៍ដោយលើកកម្ពស់គុណភាពទឹកអនាម័យសុខភាពនិងជីវភាពរស់នៅ របស់ប្រជាពលរដ្ឋដោយប្រើបច្ចេកវិទ្យានិងការអប់រំសមស្រប ។

អង្គការស្អាតកម្ពុជាត្រូវការជ្រើសរើសបុគ្គលិកចំនួន 0១នាក់ សម្រាប់មុខតំណែងជា បុគ្គលិកហិរញ្ញវត្ថុខេត្ត (Provincial Finance Staff) សម្រាប់ប្រចាំការនៅការិយាល័យដែលមានទីតាំងស្ថិតនៅភូមិពុកយុក សង្កាត់ស្រយ៉ូវ ក្រុងស្ទឹងសែន ខេត្តកំពង់ធំ ។

ការទទួលខុសត្រូវក្នុងការងារ៖

រៀបចំរបាយការណ៍សាច់ប្រាក់ចំណូល ចំណាយប្រចាំថ្ងៃចូលក្នុងសៀវភៅកត់ត្រាសាច់ប្រាក់ក្នុងដៃ សៀវភៅកត់ត្រាសាច់ប្រាក់ក្នុងធនាគារ និងធ្វើរបាយការណ៍ផ្ញើមកមន្ត្រីហិរញ្ញវត្ថុរៀងរាល់ចុងសប្តាហ៍។
រៀបចំឯកសារស្នើសុំថវិការបុរេប្បទាន សម្រាប់ការចំណាយប្រចាំថ្ងៃរបស់បុគ្គលិកពាក់ព័ន្ធប្រចាំខេត្ត ផ្តល់ដល់សហគមន៍ និង អ្នកផ្គត់ផ្គង់សេវាកម្ម។
ទទួលការទូទាត់ថវិការបុរេប្បទានជាមួយបុគ្គលិកពាក់ព័ន្ធ និងការចំណាយផ្សេងៗ ដែលមាននៅក្នុងខេត្ត។
រៀបចំសក្ខីបត្រ គណនេយ្យ និងឯកសារគាំទ្រ សម្រាប់ចំណូល ចំណាយហើយកត់ត្រាចូលក្នុងទម្រង់គណនេយ្យ ដោយប្រើកម្មវិធី (Microsoft Word and Excel) ។
ទទួលខុសត្រូវលើការថតចំលង ស្កេនឯកសារ និងរក្សារទុកឯកសារសំណៅដើមដែលពាក់ព័ន្ធផ្សេងៗ សម្រាប់ការចំណាយប្រចាំថ្ងៃទាំងអស់ ឲ្យបានត្រឹមត្រូវ និងមានតម្លាភាពជារៀងរាល់ខែ។
រៀបចំគម្រោងថវិការនៅសហគមន៍ជាមួយប្រធានគម្រោងខេត្តនៅពេលមានតម្រូវការពីបុគ្គលិកគម្រោងខេត្ត ហើយធ្វើការពិនិត្យ តាមដានលើប្រាក់ ចំណាយ និងចំណូលផ្សេងៗ ជាមួយអតិថិជនដែលទទួលធុងចម្រោះទឹក ប្រសិនបើមានការចាំបាច់ណាមួយ។
ធ្វើលទ្ធកម្ម និងឯកសារលទ្ធកម្ម រួមទាំងកិច្ចសន្យាជាមួយអ្នកផ្គត់ផ្គង់សម្ភារ និងសេវាកម្មដែលមាននៅក្នុងខេត្ត។
ត្រួតពិនិត្យ និងធ្វើបច្ចុប្បន្នភាពលើរបាយការណ៍ទ្រព្យសម្បត្តិរួមទាំងសម្ភារៈផ្សេងៗ ដែលមាននៅក្នុងការិយាល័យខេត្តជាប្រចាំ ហើយធ្វើរបាយការណ៍ជូនប្រធានគម្រោងកម្មវិធីចម្រោះទឹកខេត្ត និងការិយាល័យរដ្ឋបាល ។
គ្រប់គ្រង់សន្និធិ ចេញ /ចូល សម្រាប់ការិយាល័យខេត្តរបស់ខ្លួន និងធ្វើរបាយការណ៍សន្និធិដោយ សង្ខេបផ្ញើទៅកាន់ការិយាល័យរដ្ឋបាល នៅភ្នំពេញ។
និងការងារផ្សេងៗ ទៀតដែលតម្រូវដោយប្រធានគ្រប់គ្រង។

លក្ខខណ្ឌជ្រើសរើស៖

មានបរិញ្ញាប័ត្រផ្នែកគណនេយ្យ ឬសញ្ញាប័ត្រមានតម្លៃស្មើ។
មានបទពិសោធន៍ការងារយ៉ាងតិច ១ឆ្នាំ ផ្នែកគណនេយ្យ ហិរញ្ញវត្ថុ និងធនាគារ ឬសវនករ ជាមួយការងារអង្គការក្រៅរដ្ឋាភិបាល។
មានចំណេះដឹងផ្នែកភាសាអង់គ្លេស អាចនិយាយ និងការសរសេរបានល្អ។
មានចំណេះដឹងអាចប្រើប្រាស់កុំព្យូទ័រ Microsoft Office។
មានជំនាញក្នុងការប្រាស្រ័យទាក់ទង និងត្រូវគោរពទៅតាមបេសកកម្ម និងគុណតម្លៃរបស់អង្គការស្អាតកម្ពុជា ។
មានភាពស្មោះត្រង់ និងអត់ធ្មត់ក្នុងការបំពេញការងារព្រមទាំងស្ទាត់ជំនាញក្នុងការជិះម៉ូតូនៅសហគមន៍។

ចំពោះបេក្ខជនទាំងពីរភេទដែលមានចំណាប់អារម្មណ៍ជាមួយមុខតំណែងនេះ សូមមកទទួលយកពាក្យសុំធ្វើការងារនៅការិយាល័យ ខេត្តកំពង់ធំ ឬអាចទាញយកពាក្យសុំបម្រើការងារជាភាសា ខ្មែរ ឬ អង់គ្លេស ទៅបំពេញហើយបញ្ជូនមកវិញដោយភ្ជាប់ជាមួយប្រវត្តិរូប សង្ខេប (CV & Cover Letter) រួចបញ្ជូនមកកាន់ការិយាល័យខេត្តកំពង់ធំ តាមរយៈអាសយដ្ឋានខាងលើ ឬទំនាក់ទំនងទូរស័ព្ទលេខ: (៨៨៥)-២៣ ៨៨០ ១៦៤, e-mail: hr@clearcambodia.org, Website: www.clearcambodia.org.

សំគាល់ៈ សូមភ្ជាប់មកជាមួយនូវឯកសារថតចំលងអត្តសញ្ញាណប័ណ្ណសំបុត្រកំណើតប័ណ្ណគ្រួសារ ឬសៀវភៅស្នាក់នៅ និង ឯកសារពាក់ព័ន្ធ ផ្សេងទៀត និងរូបថត ៤X៦ ចំនួន ២សន្លឹក។

បន្ទាប់ពីពិនិត្យលើសំណុំបែបបទសុំបំរើការងារអ្នកជាប់បញ្ជីសម្រាំង និងត្រូវបានធ្វើការទំនាក់ទំនង ដើម្បីធ្វើការសម្ភាសន៍។

ថ្ងៃផុតកំណត់ទទួលពាក្យនៅ ថ្ងៃទី២៧ ខែមិថុនា ឆ្នាំ២០២២ ។