ដំណឹងជ្រើសរើសបុគ្គលិក

អង្គការស្អាតកម្ពុជាគឺជាអង្គការគ្រិស្តបរិស័ទក្នុងស្រុកដែលកំពុងបានអនុវត្តន៍គម្រោងនានា ដោយផ្ដោតលើធនធានទឹក និងអនាម័យ។ បច្ចុប្បន្នបេសកកម្មអង្គការស្អាតកម្ពុជាលើកស្ទួយប្រជាពលរដ្ឋកម្ពុជាតាមជនបទឲ្យមានសុខភាពល្អប្រសើដោយកើនឡើងនៅការប្រើប្រាស់ ទឹកមានសុវត្ថិភាព មានអនាម័យ និងមានផាសុខភាព។ ការងារទាំងអស់ត្រូវបានធ្វើឡើងដោយមានការសហការជាមួយអ្នកដឹកនាំសហគមន៍ និងអាជ្ញាធរដែនដី។ សព្វថ្ងៃអង្គការស្អាតកម្ពុជា បានអនុវត្តន៍គម្រោងក្នុងខេត្តស្វាយរៀង ព្រៃវែង កំពង់ធំ កំពង់ឆ្នាំង បន្ទាយមានជ័យ ព្រះវិហារ ឧត្ដមានជ័យ តាកែវ សៀមរាប និងកំពត។

អង្គការស្អាតកម្ពុជាត្រូវការជ្រើសរើសបុគ្គលិកចំនួន 0១នាក់ សម្រាប់មុខតំណែងជា បុគ្គលិកបដិសណ្ឋារកិច្ច (Receptionist) ប្រចាំការិយាល័យភ្នំពេញ ។

I. ការទទួលខុសត្រូវក្នុងការងារ៖

ក- លេខាធិការកិច្ច

ជួយសម្រួលការងារការិយាល័យនាយកប្រតិបត្តិ-ប្រធានប្រតិបត្តិការ-ការិយាល័យធនធានមនុស្សនិងរដ្ឋបាលរៀបចំបញ្ជូនឯកសារផ្សេងៗ ទៅកាន់អ្នកពាក់ព័ន្ធ។
ជួយសម្រួលការងារទំនាក់ទំនងរវាងការិយាល័យនាយកប្រតិបត្តិ-ប្រធានប្រតិបត្តិការ-ការិយាល័យធនធានមនុស្សនិងរដ្ឋបាល រៀបចំ ទទួលភ្ញៀវដែលមកធ្វើទស្សនៈកិច្ចនៅអង្គការស្អាតកម្ពុជា និងបុគ្គលិកតាមខេត្តរបស់អង្គការស្អាតកម្ពុជា។
ជួយសម្រួលការឆ្លើយឆ្លងទូរស័ព្ទ រៀបចំបញ្ជូនសារនិងរៀបចំការហៅទូរស័ព្ទដូចជាការណាត់ពេលវេលាសម្រាប់ការសម្ភាសន៍បុគ្គលិក ក្នុងករណីមានស្នើសុំពីការិយាល័យធនធានមនុស្ស។

ខ- ការងាររដ្ឋបាល

ជួយសម្រួលការងារការិយាល័យនាយកប្រតិបត្តិ-ប្រធានប្រតិបត្តិការ-ការិយាល័យធនធានមនុស្ស និងរដ្ឋបាលពិនិត្យលិខិតចេញ-ចូលនិងរៀបចំបញ្ជូនឯកសារនិងសម្ភារផ្សេងៗ ទៅកាន់អ្នកពាក់ព័ន្ធ និងក្រុមការងារគោលដៅ។
ជួយសម្រួលការងារផ្នែកហ្វូតូកូពី និងម៉ាស៊ីនហ្វូតូកូពីដែលស្នើសុំដោយការិយាល័យផ្សេងៗ និងរៀបចំ ការចុះបញ្ជីការប្រើប្រាស់។
ត្រួតពិនិត្យតារាងកត់ត្រារថយន្តដែលប្រចាំការនៅការិយាល័យភ្នំពេញដោយការសហការណ៍ជាមួយអ្នកបើកបរ។
ជួយសម្រួលរៀបចំទុកដាក់ឯកសារនិងសម្ភារផ្សេងៗ ឲ្យមានរបៀបរៀបរយ និងមានសុវត្តិភាព។
ជួយសម្រួលការងារការិយាល័យរដ្ឋបាលក្នុងការពិនិត្យនិងធ្វើបញ្ជីសារពើភ័ណ្ឌលើសម្ភាររបស់អង្គការស្អាតកម្ពុជាដែលមាន។
ជួយសម្របសម្រួលរកសម្រង់តម្លៃនៅពេលមានការស្នើសុំ។

II. លក្ខខណ្ឌនៃការជ្រើសរើស៖

មានបទពិសោធន៍ការងារផ្នែកបដិសណ្ឋារកិច្ចយ៉ាងហោចណាស់ មួយឆ្នាំឡើងទៅ ។
បញ្ចប់ថ្នាក់ទី១២ ឬកំពុងសិក្សានៅមហាវិទ្យាល័យឬសញ្ញាប័ត្រណាមួយដែលមានតម្លៃស្មើ។
មានជំនាញផ្នែកការងាររដ្ឋបាលឬផ្នែកបដិសណ្ឋារកិច្ច/ ទទួលភ្ញៀវ។
អាចប្រើប្រាស់ភាសាអង់គ្លេសបានទាំងការនិយាយនិងសរសេរ។
អាចប្រើប្រាស់កម្មវិធីកុំព្យូទ័របាន Word, Excel, Email, Internet ។
មានភាពរួសរាយរាក់ទាក់និងមានទំនាក់ទំនងល្អ។
ចូលរួមការងារជាក្រុមបានល្អ និងមានតម្លាភាពក្នុងការងារ។
ប្រកាន់ខ្ជាប់នូវគុណតម្លៃនិងបេសកកម្មរបស់អង្គការស្អាតកម្ពុជា។
មានសីលធម៌ល្អក្នុងការងារ- មានភាពបត់បែនក្នុងការងារ និងព្យាយាមបំពេញការងារ។

ចំពោះបេក្ខជនទាំងពីរភេទដែលមានចំណាប់អារម្មណ៍ជាមួយមុខតំណែងនេះ សូមមកទទួលយកពាក្យសុំធ្វើការងារនៅការិយាល័យភ្នំពេញ ឬអាចទាញយកពាក្យសុំបម្រើការងារជាភាសា ខ្មែរ ឬ អង់គ្លេស ទៅបំពេញហើយបញ្ជូនមកវិញដោយភ្ជាប់ជាមួយប្រវត្តិរូបសង្ខេប (CV & Cover Letter ) រួចបញ្ជូនមកកាន់ការិយាល័យភ្នំពេញ តាមរយៈអាសយដ្ឋានផ្ទះលេខ៨៦ ផ្លូវលេខ៦០៨ សង្កាត់បឹងកក់២ ខណ្ឌទួលគោក រាជធានីភ្នំពេញ ឬទំនាក់ទំនងទូរស័ព្ទលេខ: (៨៨៥)-២៣៨៨០១៦៤, e-mail: hr@clearcambodia.org, Website: www.clearcambodia.org.

សំគាល់ៈ សូមភ្ជាប់មកជាមួយនូវឯកសារថតចំលងអត្តសញ្ញាណប័ណ្ណសំបុត្រកំណើតប័ណ្ណគ្រួសារ ឬសៀវភៅស្នាក់នៅ និង ឯកសារពាក់ព័ន្ធ ផ្សេងទៀត និងរូបថត ៤X៦ ចំនួន ២សន្លឹក។

បន្ទាប់ពីពិនិត្យលើសំណុំបែបបទសុំបំរើការងារអ្នកជាប់បញ្ជីសម្រាំង និងត្រូវបានធ្វើការទំនាក់ទំនង ដើម្បីធ្វើការសម្ភាសន៍។

ថ្ងៃផុតកំណត់ទទួលពាក្យនៅ ថ្ងៃទី១៥ ខែសីហា ឆ្នាំ២០២២ ។